陈家乐、黄宗泽（Bosco）、张继聪、 周励淇及卫诗雅联同英皇主席杨受成昨日现身英皇电影《扎职2》开镜仪式。阿聪透露与Bosco及家乐在戏中饰演由细玩到大的好兄弟，由街头小混混到加入社团后上位，戏中有不少打斗场面，问到有否受伤？他说：「大伤就冇，但每日都有啲损伤，但我上一部戏慨伤未好晒，做紧针灸。」他指3人早前在尖沙咀拍了一场被追斩戏，由于太逼真，惊动警车到场：「我哋3个畀十几人追，导演叫我哋全力跑，由天黑跑到天光，跑咗12个钟，跑完觉得个下盘散咗。」

Bosco坦言在没有任何跑步装备下狂奔，跑到筋疲力尽：「阿聪跑开马拉松，我叫渠就一就我哋。」家乐称该场口被途人拍下放在网上讨论区，以为真的发生打斗：「我见啲人将个过程写晒出嚟，我睇吓啲相，渠哋讲紧嗰个人咪系我自己。（你有冇留言解释？）我费事留言，渠哋作得个故事咁好，唔好拆穿。」

阿聪成身血吓亲人

阿聪谓稍后三兄弟之间都会互殴，扬言是男人暴力美学，不过他的打斗造型就吓亲服装部姐姐：「渠话做咗三十几年都未见过有人身上咁多血，啲血多到我喺屋企冲咗几次凉都冲唔走。」

至于卫诗雅指今次是第4度跟张继聪饰演情侣或夫妻，笑言下次可能要化老妆扮老夫老妻。休息年多凑仔的周励淇对新戏十分期待，问她会否不舍得儿子？她直言：「冇！但我出门口渠都有喊，要令渠慢慢适应。」